منتدى شلالة العذاورة

أهلا و سهلا بك في منتدى شلالة العذاورة

ياحسراه عليك يا الدنيا.....فيك حكاية و حكايات 39

انضم إلى المنتدى ، فالأمر سريع وسهل

منتدى شلالة العذاورة

أهلا و سهلا بك في منتدى شلالة العذاورة

ياحسراه عليك يا الدنيا.....فيك حكاية و حكايات 39

منتدى شلالة العذاورة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى شلالة العذاورة

مرحبا بأعضائنا وضيوفنا الكرام عدد ما خطته الأقلام من حروف.. وبعدد ما أزهر بالأرض زهور.. مرحبا ....ممزوجة بعطر الورد .. ورائحة البخور.. مرحبا بك بين إخوانك وأخواتك .. في منتداك شلالة العذاورة الأفضل نتمنى الإقامة الطيبة بيننا

3 مشترك

    ياحسراه عليك يا الدنيا.....فيك حكاية و حكايات

    ضياء براهمي
    ضياء براهمي
    Admin
    Admin


    عدد المساهمات : 637
    نقاط : 1188
    السٌّمعَة : 8
    تاريخ التسجيل : 22/10/2009
    العمر : 33

    ياحسراه عليك يا الدنيا.....فيك حكاية و حكايات Empty ياحسراه عليك يا الدنيا.....فيك حكاية و حكايات

    مُساهمة  ضياء براهمي الأربعاء يونيو 22, 2011 1:13 am

    السلام عليكم صباح الخير عليكم

    أنا يا خاوتي توحشت أيامات الصغر، كيفاه كنا مع المعلم الشيخ السعيد صيد الله يحفظو ان شاء الله و يخليه وكانت النية ما تتصورش كيفاه

    نهار كان الكتاب بالاحمر والابيض برك والقسمة تقراها في السنة 5

    مع الصورة الاولى للكتاب المدرسي نتاع زمان كان عندنا كتاب القراءة + كتاب الرياضيات وفقط

    [ندعوك للتسجيل في المنتدى أو التعريف بنفسك لمعاينة هذه الصورة]

    و الفرونسي بديناها في السنة الرابعة ....ودراسة الوسط و التربية المدنية ......التاريخ و الجغرافيا في السنة الخامسة و السادسة ...خلاص حسينا رواحنا كبرنا و درنا إنجاز في حياتنا

    ياحسراه ياذاك الزمان البنين...كان لما يكون الواحد يقرا في القراءة تشوفنا نتبعوا كامل معاه في الكتاب تخاف لو كان يقولك عمي السعيد كمل و ما تعرفش منين و تدي فيها تبهديلة و تصرفيقة ....ههه



    الزمن الجميل..
    أنا كي كنت نقرا كنت تلميذ مشاغب لما نرجع للدار تشوفني أمي بالكرطوشة معمر روحي يديا و الطابلية و الطبشور في راسي السيالة الخضراء في وجهي الكرطاب مقطع وربيحة كانت تسرق لي أدواتي المسطرة و الممحاة الجديدة و القلم ...و العشية كي نكون رايح نقرا جيوبي معمرين بالقرباعي ودايمن 5د في جيبي نشري الماييز و لا شعر البنات في الطريق و ان شاء الله ما تشوفنيش ربيحة ياربي باش ما تديليش و إذا كاشما واحد جاب ساعة جديدة و لا آلة حاسبة ههه " في ذاك الوقت ..العلمية" تلقى الناس كامل صحابو في هذيك العشية باش يشوفو واش عندو ....و السبورة شكون اللي يكتب عليها و اللي يكتب يبات قاعد في الليل من الفرحة و إذا قال لك المعلم روح للمعلم حسان في القسم لآخر و قولو...ولا جيبلي.....إيه تحس روحك شخصية كبيرة ، ونروحو كامل قبل الوقت باش نحكموا البلاصة الأولى في الصف و نحكموا لصحابنا ثاني وتاع بالون برك.. نهار كامل بالساشيات تاع الحليب نخدموهم بالونات ولستاد ديريكت هههههه
    الماتش يلعبو فيه 50 واحد.. وماكاش لاربيت ..كان مول البالون هو اللي يحكم هههههههههه و يخير اللي يلعب و اللي ما يلعبش

    والماتش مايخلاصش حتى يطيح الليل هههههه



    ولا واش نقولك على الرسوم المتحركة لعشية كامل وحنا مع التلفزيون


    [ندعوك للتسجيل في المنتدى أو التعريف بنفسك لمعاينة هذه الصورة]

    النمر المقنع و باتمان و سبيد ريسر وماروكو...هههه و الله غير كانت الحلاوة في هذاك الوقت ، يوصل المغرب تحط لي أمي العشا وديراكت للفراش بصباطي و الطابلية و أنا راقد تجي أمي و تنحيهم لي ..... حتى لغدوة من هذاك يجيو ينوضوني باش نروح نقرا و نقوللهم أنا باللي المعلم قالنا ما تجوش " هذا الموال دايما مع الصباح " والدار علابالهم باللي نخرف برك ينوضوني بالسيف وامبعد نتقلق أنا و نزعف ويوليو يحللو فيا و أنا نزيدلها شوية زعاف وما نتحللهمش ونزيدلها شوية وحدوأخرى وامبعد يحكمني آبي بجيافة ويعيط في وجهي واش بيك و نشوف هذاك الكف جاي بالعقل يوصل لوجهي و ما يضربنيش أنا نقول و الله غير خلات نتكالمى و نعقال ونولي غير نحلل و "يوميا هذا الموال"



    يا حسراه و الله غير كانت الدنيا حلوة في هذاك الوقت و ضرك كل شي تبدل ولات القراية ماهي قراية و القعدة ما هي قعدة و تخلطت كامل و السلاك ربي وسماطت الحالة ....نحمد ربي برك أني في صباي و صغري عشت نوع من هذيك الحلاوة، بلاك كي نتفكر يرتاح بالي و نحس بحنين لهذاك الوقت الزين...................





    يا حسراه يا بكري ........ياحسراه

    QHLE;QHLQ;
    QHLE;QHLQ;


    عدد المساهمات : 4
    نقاط : 4
    السٌّمعَة : 0
    تاريخ التسجيل : 22/06/2011
    العمر : 30

    ياحسراه عليك يا الدنيا.....فيك حكاية و حكايات Empty شكرا على تالقك

    مُساهمة  QHLE;QHLQ; الخميس يونيو 23, 2011 12:36 am

    موضوع رائع في القمة اعجبني كثيرا و ايام الطفولة لا ترجع ولا يمكن ان نعيشها مرة اخرى جزاك الله خيرا ولاتبخل علينا بجديدك flower
    ضياء براهمي
    ضياء براهمي
    Admin
    Admin


    عدد المساهمات : 637
    نقاط : 1188
    السٌّمعَة : 8
    تاريخ التسجيل : 22/10/2009
    العمر : 33

    ياحسراه عليك يا الدنيا.....فيك حكاية و حكايات Empty رد: ياحسراه عليك يا الدنيا.....فيك حكاية و حكايات

    مُساهمة  ضياء براهمي الخميس يونيو 23, 2011 2:18 am

    و الله لا يوجد عند الإنسان ذكرى أحلى من ذكريات الطفولة و الصبى



    بارك الله فيك على مرورك منورة الصفحة بوجودك فيها


    QHLE;QHLQ;
    إيمان
    إيمان
    عضو فعال
    عضو فعال


    عدد المساهمات : 93
    نقاط : 129
    السٌّمعَة : 0
    تاريخ التسجيل : 22/01/2010
    الموقع : الجزائر

    ياحسراه عليك يا الدنيا.....فيك حكاية و حكايات Empty رد: ياحسراه عليك يا الدنيا.....فيك حكاية و حكايات

    مُساهمة  إيمان الثلاثاء أكتوبر 11, 2011 6:40 pm

    و عليـ السلام ـكم والرحمة


    استمتعت كثـــيرا وانا اتجول في شارع من شوارع ذاكرتك ,,,
    في شارع يحمل اسم الطفولة والبراءة .

    ".. فما الحيــاة سوى شريـط والذكرى محتواه.."

    بلاك كي نتفكر يرتاح بالي و نحس بحنين لهذاك الوقت الزين
    عبارة اعجبتي كثــيرا فـ هنيــئا لكـ ,,,بصراحة انا العكس ولو أتيحت لي الفرصة لأن لأعــود لتلـك الفـترة ,,( فلا ولــن أعود )

    بــارك الله فيـك على موضوعك الأكثـر من رآآآئع
    ولا عدمنا المواضيع الهادفة
    ضياء براهمي
    ضياء براهمي
    Admin
    Admin


    عدد المساهمات : 637
    نقاط : 1188
    السٌّمعَة : 8
    تاريخ التسجيل : 22/10/2009
    العمر : 33

    ياحسراه عليك يا الدنيا.....فيك حكاية و حكايات Empty رد: ياحسراه عليك يا الدنيا.....فيك حكاية و حكايات

    مُساهمة  ضياء براهمي السبت أكتوبر 15, 2011 12:57 pm

    شكرا و بارك الله فيك على مرورك الكريم الذي فعلا أسعدني وأضاف على للموضوع رونقا وجمالا خاصا
    سلمت يمناك

      الوقت/التاريخ الآن هو الخميس مارس 28, 2024 6:54 am